Изложбата на слики „Без наслов“ од уметницата Касиопеја, вечерва, последна пред воведување на рестрикциите?!

Во ликовната галерија од ЦК„Марко Цепенков“ – Прилеп, вечерва ќе биде поставена изложбата на слики „Без наслов“ од уметницата Касиопеја Наумоска, која ќе се претстави со 20 дела. Изложбата ќе трае до 2 ри ноември, доколку денеска Владата не одлучи воведување рестриктивни мерки како превенција од Ковид 19, во кои, покрај останатите мерки, од Комисијата за заразни болести е предложено и забрана за одржување на јавни настани од културата.

Касиопеја Наумоска  е родена 1968 во Скопје, таа дипломирала на ФЛУ во Скопје и е магистер по Студии на култура. Наумоска има реализирано повеќе самостостојни и групни изложби во и вон Македонија.