Апел на ЈКП Водовод и канализација до граѓаните да не ги крадат капаците од шахтите

По објавата на нашата сторија за отворените шахти низ прилепските улици под наслов  „НАД 20 ОТВОРЕНИ ШАХТИ НИЗ ПРИЛЕПСКИТЕ УЛИЦИ ПОРАДИ УКРАДЕНИ КАПАЦИ – ПОТЕНЦИЈАЛНА ОПАСНОСТ ЗА ВОЗАЧИТЕ И ПЕШАЦИТЕ„ 

Апел денеска  до граѓаните на Општина Прилеп упати  ЈКП „Водовод и канализација” – Прилеп во кое се вели „Во последниот период од два-три месеци се соочуваме со сериозен проблем од кражба на сливни решетки од канализационата мрежа. Оваа појава предизвикува проблем во тековното функционирање на канализационата мрежа, а воедно и потенцијална опасност за граѓаните од отворените шахти. Согласно надлежностите на МВР на РСМ-ОВР Прилеп, исто така упатено е барање за постапување.

Затоа ЈКП „Водовод и канализација” – Прилеп упатува апел и до граѓаните за совесно однесување кон инфраструктурата која служи на сите граѓани во Општина Прилеп. Со надеж за разбирање, се надеваме дека проблемот ќе биде сфатен сериозно и во иднина нема да се соочуваме со истиот.„- се вели во соопштението уатен до јавноста кое го добивме денеска .

Само во месец февруари оваа година украдени се 21 шахти и сливници од  10 прилепски улица. А, ова се дело од фотографиите кои го објавивме .