Кадровски промени во институции во Прилеп

Три институции во Прилеп ќе добијат нови директори, неофицијално дознава радио Пела.

На местото на досегашната в.д. директорка на ЈКП Комуналец – Прилеп, Ирена Станковска, доаѓа Сашо Велески, кој досега беше во Управниот одбор на Телеком , а јавноста го знае и како советник во советничката група на СДСМ во предходниот состав, и како поранешен претседател на ОО СДСМ Прилеп

Во гимназијата, “Мирче Ацев” , проф. Весна Миланоска ќе го замени досегашниот директор Димче Настоски, кој ја предводеше оваа образовна институција од 2017 година, а во СОУ “Ѓорче Петров”, на местото на досегашниот директор Страшо Ѓорѓиоски, директорското столче ќе го заземе проф. Петра Лукароска.