Концерт за 10 години солистичка кариера на Митоска

Во големата сала од ЦК „Марко Цепенков“, утре, петок 6 ноември, од 19.00 часот, според сите протоколи ќе се одржи концерт на Ана Митоска – сопран, во придружба на гитара на Илија Чакароски. Со концертот сопранот Ана Митоска ќе одбележи 10 години солистичка кариера.Ќе бидат изведени дела Џ. Дауланд, Х.Перол, Џ. Качини, Б. Строци, Џ. Фрескобалди, А. Вивалди…

На концертот, во изведба на сопранот, во придружба на современа класична гитара, композициите ќе добијат нова димензија, аранжирани и интерпретирани со особено внимание и љубов да се запази стилот и карактерот на специфичниот репертоар. Освен вокално инструментални композиции ќе бидат исполнети и препознатливи бисери на класичната музика напишани за соло гитара.