Координативен состанок за претстојниот Пиво-Фест

Прилеп интензивно се подготвува за претстојниот Пиво-Фест што ќе се одржува од 14-17 јули. Денеска на дневен ред на координативниот состанок под раководство на градоначалникот Борче Јовчески била безбедноста и мерките кои што треба да се преземат, како и одржување на јавната чистота за време на оваа забавна манифестација. На состанокот станало збор за мерките за безбедност на манифестацијата и начините како ќе се реализира  организацискиот дел, вклучително и одржување на чистотата на градот.
„По две години пауза и затворање на дуќани во старата прилепска чаршија, се надеваме дека ќе имаме успешен Пиво-Фест, кој што ќе ја оживее локалната економија“- посочил градоначалникот на Прилеп, Борче Јовчески.
На состанокот присуствувале претставници од СВР Битола и ОВР Прилеп, Територијалната противпожарна единица Прилеп, како и од јавните претпријатија.