Крушево домаќин на уште еден спортски меѓународен настан

Крушево годинава домаќин на неколку меѓународни настани со спортско – едукативен и забавен карактер. Закажано уште едно параглајдинг првенство за ова лето, но за негова реализација, како и за сите спортски настани единствено е важна состојбата со корона пандемијата.  

 Се работи за „Крушево Озон опен“ (Krusevo Ozon Open) кое ќе се одржи од 4-ти до 10-ти септември.

Организаторите се надеваат дека третото издание на ова првенство ќе се одржи непречено и дека ќе се спроведе еден забавна и едукативна манифестација.

„Крушево Озон опен“ е настан кој е организиран од домашни параглајдинг клубови и веќе три години носи учесници од многу европски држави.

Инаку, досега и веќе официјално се знае дека од 18 до 31 јули во Крушево ќе се одржи  Светското првенство во змајарство, за кое што  започна регистрацијата за учество.