Крушево од денеска безбедна Ковид дестинација

Од денска ( 9 август 2021) Крушево е чиста и безбедна Ковид 19 дестинација! Европскиот совет за туризам и трговија како резултат на неколкудневно испитување и истражување го потврди ова со доделувањето на сертификат. Тројца експерти од Европскиот совет престојуваа во Крушево и испитуваа колку градот е безбеден за туристите и спроведоа процес на сертификација. Сега , Крушево е потврдено како безбедна дестинација за туристите во меѓународни рамки. 

„Ова значи поголема промоција, ова значи поголема препознатливост на општина Крушево како туристичка дестинација во едни изменети услови по појавата на коронавирусот. Денес најголема промоција е безбедноста на една дестинација, а ние тоа го имаме и со официјална потврда во меѓународни рамки. Се заблагодарувам на Европскиот совет за спроведувањето на процесот и изразувам задоволство што крушевските угостители, музеите, одговорните лица во манастирите покажаа дека навистина се почитуваат протоколите за спречување на ширење на вирусот и се трудат на гости да им понудат безбедна средина.“, изјави градоначалникот на општина Крушево Томе Христоски.