Леон Најдовски нов фудбалер на Победа

Известива: Никола Димески

Прилепска Победа го ангажира 25-годишниот дефанзивец Леон Најдовски. Станува збор за фудбалер кој настапува на штоперската позиција а во својата досегашна кариера настапувал за Работнички, Македонија ЃП и Тетекс.
Инаку, во пријателски натпревар во битолското село Црнобуки комбиниран состав на Победа одигра пријателски натпревар со истоимениот домашен третолигаш. Конечен резултат 2-4 полувреме 0-0. Првите сениорски голови за Победа ги постигнаа младинецот Благојче Ристески и 15-годишниот помлад пионер Христијан Поп-Антоски, а двоен стрелец беше 23-годишниот Ерџан Ибраимоски од Ново Црнилиште, кој е на проба во прилепскиот второлигаш.