ЛЕВИЦА ТВРДИ: „СРАБОТИЛЕ ИЛИ НЕ, ПАТНИТЕ ТРОШОЦИ РЕДОВНО ГИ ПРОКНИЖУВААТ И ГИ НАРАСНУВААТ СО СЕКОЈ ИЗМИНАТ КВАРТАЛ„

„Минатите предвремени избори СДСМ, излезе со ветување за укинување на надоместокот за патни трошоци. Ова бомбастично ветување никогаш не се оствари, а следуваше после период во кој, од 2015-та до 2019-та година за патни трошоци (поради користење автомобил во лична сопственост за доаѓање и враќање од работа) на пратениците им беа исплатени вкупно 178.079.681 денари, или 2,8 милиони евра.„ – ја информираат јавноста од партијата Левица – Прилеп и сликовито преку фотографија пренесува:

„И покрај сите овие популистички предизборни ветувања од страна на двете најголеми партии и нивните коалициони партнери за целосно укинување и институционално санкционирање на пратениците, кои ја злоупотребиле функцијата за лично богатење, и ден денес сме сведоци на оваа коруптивно-перфидна постапка со која мноштво пратеници понираат народни пари во сопствен џеб. Па така, со последните пресметки исплатени се точно 193.000 евра за патни трошоци за последните 9 месеци. На првите 5 места котираат исклучиво пратеници од најголемата опозициона партија (ВМРО-ДПМНЕ), каде имаме извојуван скок од претходно „трето “ место на „второ“, од страна на пратенкот Петар Ристески од Прилеп. Дали амбициозноста и решителноста на пратеникот ќе го издигнат на високото прво место за да заслужено се вброи и влезе во „Куќата на славните“ покрај великаните како Силвана Бонева (ВМРО-ДПМНЕ) и Мира Стојчевска (СДСМ) попозната под надимакот „Мира Дизел“. Од друга страна, пратениците на Левица кои целосно се откажаа од надоместокот за патни трошоци, во април поднесоа Предлог-закон за драстично намалување на патните трошоци на пратениците. Со законот се предлага четирикратно намалување на патните трошоци (од 20% на 5%) – што практично значи дека патните трошоци се сведуваат на реалната цена на чинење на патен билет во меѓуградски превоз. Овој закон, како и другите предлози на Левица, неделовнички се чуваат во фиока токму од спикерот Талат Џафери.„-информираат од Левица