Награда од Стопанската комора за „Комфи Ангел„- за ефикасно прилагодување на производството во време на пандемија

По повод одбележувањето на 99-годишнината од Стопанската комора на Македонија, традиционално беа доделени награди и други признанија за 2020 година, на успешни компании во Македонија. Во 10 наградени компании се најде и прилепската текстилна компанија КОМФИ АНГЕЛ“ ДОО Прилеп, награда и признаније за ефикасно прилагодување на производството во време на пандемија. Наградата со голем пиетет, ја прими, лично, менаџерот на компанијата, Ирена Јакимовска

Покрај редовното производство на јоргани, перници, заштитници за душеци, како и разни видови постелнина, во време на пандемијата, компанијата Комфи Ангел се преструктуира и го збогати асортиманот со производство и на заштитни маски, поради потребата на домашниот и меѓународниот пазар. На почетокот, маските се произведуваа рачно, а сега , компанијата, веќе, професионално, набави две машини за производство на медицински заштитни маски, со вкупен капацитет од 60 000 парчиња во една смена. Голем дел од маските, како и средствата од продажба на истите, беа донирани за потребите на заедницата.

„Горди сме што сме јавно афирмирани како општествено одговорна компанија, а грижата за општеството продолжува да се надградува во секојдневното работење.„- рече, меѓудругото, при подигањето на наградата, Ирена Јакимовска, менаџерот на компанијата “Комфи Ангел„