Од денеска започнува изборната кампања

Кандидатите за претседател денеска официјално ја започнуваат изборната кампања. Гордана Силјановска тргнува од Охрид, Стево Пендаровски од Прилеп, а Блерим Река во почетокот на изборната кампања ќе одржи митинг на плоштадот Скендербег во Скопје.

Предизборната кампања ќе трае до 19 април, по што следува 24 часовниот предизборен молк.

На претседателски избори право на глас имаат 1.808.131 граѓанин. За изборите да бидат успешни, потребно е во вториот изборен круг на 5-ти мај да излезат најмалку 40% од запишаните гласачи или нешто повеќе од 723.000 избирачи.

Вчера, кандидатите за претседател на државата: Блерим Река, Гордана Сиљановска Давкова и Стево Пендаровски  во просториите на Државната изборна комисија (ДИК) потпишаа Кодекс за фер и демократски избори. Ова ќе бидат шестите по ред Претседателски избори во Македонија