Од утре поскапува храната !Нов ценовен шок за граѓаните

На полноќ завршува важноста на дел од владиниот сет од 26-те антикризни мерки кои беа донесени со цел спречување на ценовни шокови за граѓаните.  Владата на денешната седница не ги продолжи мерките кои беа во насока на држење на цените на основните прехрамбени производи и горивата, со што се очекува нивните цените веќе од утре да поскапат.

Повторно со 5 отсто ДДВ ќе бидат оданочени лебот, белиот шеќер, брашното ТИП 400, маслото од сончоглед, млеко и павлака, месо, бел ориз и свежи јајца.

Од утре кај горивата пак се враќа стапката на ДДВ од 10 на 18 %, но и намалената акциза. Според првичните пресметки се очекува цената на лебот да се зголеми за околу шест денари, а цената на горивата и до 10 денари за литар.