ПЕЛА YU хитови

ПЕЛА МАК забавно

PELA CAFE

ПЕЛА МАК народно

ПЕЛА YU фолк

CSS Template

ОК на ВМРО-ДПМНЕ Прилеп: Има ли ЈП за ПУП одговорно лице?

749

Дали јавното претпријатие за ПУП остана и официјално без одговорно лице-директор и дали мандатот на досегашниот В.Д. директор Илија Иваноски заврши со последниот работен ден на 19.02.2021 година, беа прашањата упатени на  денешната прес конференција од Робертино Илиоски, од ОК на ВМРО-ДПМНЕ Прилеп. Прес конференцијата ја пренесуваме во целост:

Нeспособноста на локална власт во нашиот град се покажа на сметка на вработените во ЈП за ПУП. Дали ова јавно претпријатие остана и официјално без одговорно лице-директор и дали мандатот на досегашниот В.Д. директор Илија Иваноски заврши со последниот работен ден на 19.02.2021 година?

Дали претпријатието има нов в.д. директор? Во кое својство досегашниот директор ако му е изминат мандатот, сеуште седи на директорската фотелја, издава наредби и задачи?

Дали во ЈП за ПУП постои некој кој е задолжен за средување на документација за вработување, приложување пријава/одјава до Агенцијата за вработување и дали досегашниот в.д. директор е одјавен?

Дали е нормално околу 100-тина вработени да останат без нивната плата, без средства за преживување во ова тешко време на пандемија? Зошто Општина Прилеп сеуште нема распишано оглас за избор на директор на ЈП за ПУП?

Што станува со платите на вработените од почетокот на 2021 година до сега? Дали од понеделник 01.03.2021 година ќе останат и без здравствено осигурување во ова кризно време? Ова се прашања на кои јавноста заслужува одговор. По смена на власта на локално ниво, граѓаните ќе добијат целосно транспарентни и функционални институции, какви што заслужуваат Прилеп и прилепчани“

Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе