Опожарен автомобилот од директорот на едно прилепско јавно претпријатие

Во раните утрински часови, денеска, бил опожарен автомобилот на директорот на ЈКП Комуналец Прилеп, Рубин Абрашоски. Информацијата ја потврдуваат и од СВР Битола:

„На 29.06.2022 во СВР Битола било пријавено дека на ул.„Пере Тошев“ во Прилеп настанал пожар во патничко возило „ауди“ со прилепски регистарски
ознаки, сопственост на Р.А.(49) од Прилеп. Пожарот бил изгаснат од екипа на Територијалната противпожарна единица Прилеп, а повредени лица
нема. Увид извршила екипа на ОВР Прилеп“, стои во полицискиот билтен на СВР Битола.

За причините за настаниот пожар во текот на денот се очекуваат дополнителни информации.