Пет новозаболени од корона вирус во Прилеп, бројот на активни случаи се зголемува

Во општина Прилеп има 5 случаи на новозаболени од коронавирус информираат од Центарот за јавно здравје Прилеп.
Бројот на активни случаи со КОВИД-19 изнесува 53, од нив, 43 лица се наоѓаат на домашно, а 10 на болничко лекување.
На Инфективното одделение во прилепската Општа болница „Борка Талески“, хоспитализирани се 7 пациенти позитивни на коронавирус, известуваат од прес службата на општина Прилеп.

Инаку, што се однесува до почитување на мерката за носење на маски, лична заштитна опрема за лицето, на територија на целата држава во текот на изминатото деноноќие на 4 и 5 јули регистрирани се 474 прекршоци, објави Министерството за внатрешни работи.

Оттаму апелираат граѓаните да ги почитуваат мерките и протоколите донесени од Владата со цел справување со Ковид -19.