Прилеп: Двајца починати и двајца новозаразени од Ковид 19

Во последните 24 часа се направени 1.382 тестирања, а регистрирани се 198 нови случаи на Kовид-19.  Починати се 4 лица, а оздравени 97, соопшти Министерството за здравство. Новозаразените  во најголем број се од Скопје – 83, додека од Прилеп се два нови случаи. Починати се 4 лица, двајца од Прилеп, еден пациент од Скопје и еден од Тетово.
Денеска Институтот за јавно здравје регистрирал 97 оздравени лица, најмногу од Скопје – 71, а од Прилеп нема ниту еден.
Вкупната бројка на ковид дијагностицирани во нашата земја од почетокот на епидемијата изнесува 8530, бројката на оздравени пациенти е 4565, на починати е 393, а во моментов бројот на активни случаи во земјата изнесува 3572.