Прилеп има активни 294 Ковид случаи, од кои 15 на болничко лекување

Од Центарот за јавно здравје информираат дека изминатата седмица, во периодот од 20 до 26 септември 2021 година, во општина Прилеп имало 84 нови случаи на Ковид-19. Од последици на коронавирусот починале 3 лица. Бројот на активни случаи со КОВИД-19 изнесува 294, од кои на болничко лекување се наоѓаат 15 лица, а 11 се на кислородна поддршка. Во домашни услови се лекуваат 279 лица.

Вкупниот број на заразени од Ковид-19  од почетокот на пандемијата изнесува 8.993. Од последици на  коронавирус во општина Прилеп починале 449 лица.