Прилеп одбележува 77 години од смртта на народниот херој Кузман Јосифоски Питу

Делегациија од Општина Прилеп предводена од градоначалникот Борче Јовчески, претставници од прилепската организација на Сојузот на борци и подржувачи на НОБ, од средните училишта од Прилеп заедно со  преставници од СОУ „Кузман Јосифоски – Питу“ – Прилеп  ја одбележаа 77-та годишнина од смртта на народниот херој Кузман Јосифоски – Питу, еден од организаторите на антифашистичкото движење во Македонија. Беа положени венци свежо цвеќе пред бистата на херојот во центарот на Прилеп, во Алејата на народните херои и пред споменикот на Кузман Јосифоски – Питу како и  на бистата на херојот во училиштето што гордо го носи неговото име, а беше посетена и спомен куќата на Кузман Јосифоски Питу.

– Горди сме на неговото дело и на неговите идеали и го продолжуваме патот кој што тој го трасира. Нашето училиште има кадри кои во изминатиов период оставаат белег и печат не само во нашиот град, туку и во нашето општество, односно тоа се истакнати и видни, економисти, правници, адвокати, банкари и др. Одбележувањето на патрониот празник е пригодно имајќи ја во предвид пандемијата. Свечената академија оваа година изостана, а одбележувањето ќе се реализира он- лајн на фејсбук и интернет страната на училиштето. Оваа година сакаме да ја одбележиме со една новина која се однесува на полуматурантите., бидејќи покрај постоечките струки и профили, оваа година Центарот за стручно образование лансира уште еден нов образовен профил кој што е многу значаен, а тоа е електронска трговија и дигитален маркетинг. Бидејќи изминатава година се се одвиваше преку интернет, бизнис секторот постави барање дека во секторот економија право и трговија има потреба од ваков образовен профил, посочи Билјана Марковска, директорка на СОУ  „Кузман Јосифоски – Питу“ – Прилеп.

Кузман Јосифоски – Питу (Прилеп, 23 јуни 1915 еден од главните организатори на антифашистичкото движење (1938–1941) и на НОБ во Македонија (1941–1944). Бил прогласен за народен херој на Југославија на 2 август 1945 година, како еден од првите борци од Македонија кои го добиле тоа одликување (заедно со Стеван Наумов – Стив, Орце Николов, Страшо Пинџур, Христијан Тодоровски – Карпош и Мирче Ацев). Поради својата неуморна народно-ослободителна дејност многу луѓе го нарекуваат Гоце Делчев на НОБ (Вториот Гоце Делчев).