Прилепчанец загина во сообраќајка на патот Велес-Прилеп

Сопатник, загинал во сообраќајна несреќа која синоќа во 22,30 мин  се случила на регионалниот пат Велес – Прилеп, во атар на с. Присад, прилепско.

-Вчера во 22:30, во атар на село Присад, патничко возило со прилепски регистарски таблички  „фолксваген голф”,  управувано од 26-годишната Д.Ш.од Прилеп, излетало од патот.

Во незгодата, сопатникот 35-годишниот М.Х. од Прилеп се здобил со тешки телесни повреди, констатирани е во Општа болница “Борка Талески„-  Прилеп, каде потоа и починал. Додека, пак, Д.Ш. се здобила со телесни повреди. Увид на местото извршиле Јавен обвинител и увидна екипа на Полициската станица Прилеп – информират од  МВР.