Прилепска Пиварница донираше комунално возило за почист град

„Прилепска Пиварница“ донираше ново возило -машина за метење улици за Општина Прилеп кој од денеска е ставен на располагање на ЈКП „Комуналец“. Генералниот директор на „Прилепска Пиварница“ Сашо Самарџиоски истакнува дека ќе ја продолжи соработката со Општина Прилеп, зашто само со успешна соработка и взаемно разбирање може да се даде максимален придонес за развој на компанијата, а во исто време и на заедницата.
Градоначалникот Јованоски, заблагодарувајќи се на „Прилепска Пиварница“, ги повикува и другите претпријатија коишто имаат одреден фонд за помош на заедницата да го дадат својот придонес за поубав Прилеп.
„Прилепска Пиварница со овој чин ја демонстрираше својата општествена одговорност. А, ефектот го имаат сите граѓани. Ставајќи ја оваа автомобил машина на располагање на ЈКП ‘Комуналец’, пиварницата станува пример, како може средствата од овој фонд да се искористат за доброто на сите граѓани, за целата заедница“,рече градоначалникот Јованоски.