Принудно продолжение на зимскиот распуст

Првиот работен ден, од второто полугодие, ќе биде среда. Денеска требаше да заврши распустот за учениците и да продолжи школската година. Но, поради загадувањето на возухот, распустот ќе биде продолжен до утре, а вработените во образовните установи ќе одат на работа.

Владата одлучи школската година да  продолжи на  23-ти  јануари поради исклучително високото ниво на штетни честички во воздухот во многу градови во државата.

Во соопштението од владата се наведува дека оваа мерка е преземена за да се „намали времето на изложеност на учениците на загаден воздух“, и да се заштити нивното здравје.