Расчистен и попесочен коловозот на превојот Плетвар

Од 19:10 ч. сообраќајот на патниот правец Прилеп – Кавадарци преку планинскиот превој Плетвар и обратно е нормализиран за сите видови на возила и сообраќајот на превојот Плетвар се враќа во нормален тек, известуваат од АМСМ СЛУЖБА ЗА ПОМОШ И ИНФОРМАЦИИ.
– Се работеше со 5 камиони и еден за товарање Со дополнителен ангажман и припомош на 2 екипи од Велес на ЈП Македонија пат, заедно со екипите од подружница Прилеп. Најтешка беше состојбата попладнево кај Беловодица каде наносите од снег беа и по 1 и пол метар, а дополнителни проблеми правеше силниот ветар. Коловозот е исчистен и попесочен, велат од ЈП Македонија пат, подружница Прилеп за Радио Пела.
Од таму уверуваат дека во текот на вечерта сообраќајот ќе се одвива нормално во зимски услови.