Растеме со песни, игра, љубов и радост – мото на ООУ „Рампо Левката“

Програма исполнета со игри и песни, театарски фрагменти, фолклорни танци и модерни сценски изведби, програма богата со точки прилагодени на талентите на учениците од сите возрасни групи при ООУ „Рампо Левката“. Во годишната завршна приредба учество зедоа над 300 ученици. Креативноста на учениците и заедничкиот труд со наставниците ментори секогаш вродуваат со плод. Изведби за сите вкусови традиционална и модерни музика и танци, а секако музиката беше најзастапена и на годинешната приредба на учениците. Вкупно беа презентирани 15 точки во кои беа вклучени балет, драми, рецитали, застапена беше и литературната секција, кореографија на познати песнички.
Интересот да се проследи завршната приредба на учениците од ООУ „Рампо Левката“ и годинава беше огромен, како и заложбите на самите учесници да дадат максимум на сцената.
Радоста за успешно изведените сегменти од програмата на крајот беше евидентна кај сите и кај публиката, кај учениците, но и кај нивните наставници.
Во продолжение проследете ја галеријата од фотографии за секоја од прикажаните сценски изведби.