Прилеп на домашене терен високо поразен од Охрид

Ракометарите на Прилеп во натпревар од 21. коло во Супер лигата на домашен терен доживеа пораз од екипата на Охрид 21:30.

Избраниците на Горан Кузманоски  уште од почетокот на дуелот не успеаа да воспостават контрола на играта и резултатот. После петнаесетина минути игра резултатот беше 10:5 за охриѓани.

 

Обидите на Прилеп да се вратат резултатски во игра беа неуспешни па до крајот на првото полувреме Охрид ја задржа рано сткнатата предност.  Предводени од Додиќ и Николов охриѓани имаа водство од 14:9 на полувреме.

Во второто полувреме Охрид играше рутински и без поголеми проблеми одеше кон триумф во натпреварот. Прилеп беше немоќен да ја надомести негативата и на крајот мораше да се помири со висок пораз.

Најефикасен со шест гола во тимот на Прилеп беше Марко Трајковски, а по четири гола постигнаа Бикоски и Чантурија. Во екипата на Охрид до најевискасен  беш Стефан Додиќ со осум гола, а Филип Николов беше стрелец на шест погодоци.