Се отвора Градскиот пазар во Прилеп под засилени мерки за заштита

Општинскиот штаб за управување со кризи е во постојана меѓусебна комуникација и на дневна основа носи мерки за справување со вирусот Ковид 19. По дезинфекцијата на Градскиот пазар, по неколку дневно работење истиот беше затворен на 25 март, но мешаниците за набавка на земјоделските артикли се пренасочија кон маркетите пилјарите во градот, што пак е контрапродуктивно.

                         Пазарење под засилени мерки

– Се покажа дека самодисциплината на граѓаните не е на потребното ниво. Општинскиот кризен штаб донесе одлука Градскиот пазар од утре да функционира според заострени критериуми: секој работен ден од понеделник до петок од 8 до 15 часот. Согласно одлуката на Владата апелираме до пензионерите и граѓаните над 65 години, да пазарат во период од 8 до 11 часот, а сите останати од 11 до 15 часот. Упатувам апел до помладите да се придржуваат кон овие препораки, со цел што помалку наши повозрасни сограѓани да бидат изложени на ризик од инфекција со корона вирус, посочи градоначалникот Илија Јованоски, кој рече дека редарската служба ќе се засили, а на сите закупци и продаваќи на тезгите ќе им бидат поделени заштитни маски, ракавици и штитници за лице.

На влезовите од пазарот ќе бидат поставени средства за дезинфекција. Градоначалникот Јованоски ќе му предложи на Советот на општината покрај останатите сет економски мерки – закупците на тезги и дуќани на Градскиот пазар да бидат ослободени од кирија.