Силен земјотрес во Грција почувствуван и во Прилеп

Околу 11 и 15 минути денеска во Прилеп беше почувствуван земјотрес со појак интензитет. Потресот беше десетина секунди, и ги познемири прилепчани особено жителите од повисоките катови од зградите. Земјотресот бил почувствуван и во југо-западните делови од Македонија.

Според информациите од ЕМСЦ, епицентарот на земјотрес е во Грција и бил со јачина од 6,9 степени на длабочина од два километри.

Епицентарот бил на 24 километри северозападно од Лариса и на 10 километри северозападно од Турнавос. Земјотресот бил почувствуван и во поширокиот регион освен во Македонија и Црна Гора и Косово.