СПОРТСКИ ЖУРНАЛ : Победа ни е во срцето – со мислите сме кон првата позиција во младинската лига (ВИДЕО + ФОТО)

Христијан Поп-Антоски , Христијан Јосифоски и Михаил Јакопетрески се само дел од плеадата талентирани прилепски фудбалери кои макотрпно со долгогодишна фокусираност во нивната фудбалска кариера чекорат напред во фудбалскиот свет кој за нив е единствена преокупација.Млади , полетни и искрени во одговорите за време на гостувањето во нашата емисија во живо на програмата на Радио Пела , СПОРТСКИ ЖУРНАЛ. Секој со различна позиција во екипата но со иста мисла и цел , прво место во младинска конкуренција и во иднина дел од сениорскиот тим на Победа.

И тројцата веруваат во успех , веруваат во она што најмногу сакаат да го работат , да се докажуваат на фудбалските терени , велат Победа ни е во срцето и сакаме да испратиме и јасна порака до сите оние кои сакаат да тренираат и да се надоградуваат , да бидат упорни и истрајни во намерата да успеат во предизвиците кои ги носи фудбалската бубамара. Разговорот со иднината на прилепскиот фудбал можете да го погледнете подолуг во видеото.