Целовечерен концерт на староградски песни со октетот „Прилеп“

Во изложбениот салон на ЦК „Марко Цепенков“ Октетот ,,Прилеп“ во среда – 18 јули од 20.00 часот ќе одржи целовечерен летен концерт за љубителите на убавата староградска песна, при што ќе се претстави со избрана програма.
Посетителите ќе можат да уживаат во изведбите на „Свир, свири виолино“, „Дај ми љубов Трено“, „Се посврши Сербес Донка“, „Овој живот мој“..и други убави староградски песни. Воедно, ќе се претстави и оркестарот на октетот.
Покрај издавањето на неколку албуми октетот „Прилеп“ години наназад го претставува градот на бројни фестивали. Октетот работи под покровителство на ЦК,,Марко Цепенков“ . Особено се препознатливи по тоа што ја негуваат староградската песна.