Ученици од угостителската струка од Крушево учеа од светскиот познат кувар Саша Мишиќ

Се за храната: Како да се подготви?! Што таа значи?! Како најдобро таа да допре до консументот?! Што треба да се знае за гастрономијата и како правилно да се сервира храната ?! … За ова и за многу дурги теми поврзани со гастрономијата учениците од угостителската струка при СОУ „Наум Наумоски Борче„ Крушево имаа ретка можност да чујат од најдобриот европски гастрономски шеф, Саша Мишиќ , познат  по кулинарска емисјата  “Жешка кујна„ (“Паклена кухиња“), кој денеска беше во Крушево, со цел да им открие дел од кулинарските тајни на учениците-угостители.

Група ученици од угостителско-туристичка струка, готвачи, угостителски техничари и хотелски техничари, под менторство на своите стручни професори, по посебно стручни предмети присуствуваа на работилницата, која се одржа во хотел “Панорама Спа” , и беа воодушевени од едукацијата поврзана со нивната струка..

Тие научија дека само добар квалитет на храна, квалитетни кадри и убав угостителски објект, се гаранција за успех и носат постојано зголемување на бројот на задоволни муштерии.  Она што го истакна големиот европски кувар, Мишиќ,  пред учениците за квалитетното  угостителството е едукацијата ,  обуката и образованието на кадрите ,  како најважна компонента,  во која треба да се вложува секаде низ Балканот.

Инаку,  ова беше прва средба на учениците и нивните ментори со гастрономски шеф Саша Мишиќ и hospitality менаџерот Јаким Митрески, на тема “Менаџмент во кујната .  Во иднина СОУ “Наум Наумоски Борче“  активно ќе се вклучи во вакви работлници и со тоа  ќе биде единствено училиште во Македонија кое ќе биде  дел од вакви проект-работилници и обуки, од областа на гастрономијата, угостителството и хотелиерството под водство на овие врвни мајстори во кулинарството.

Воедно, учениците и прсутните госит имаа можност да се запознаат и со книгата на Саша Мишиќ , насловена  “Одисеја хране” , чија промоција се одржа денеска во Крушево.