Вечерен концерт на Женскиот младински хор МКЦ Скопје во Цепенков

Во фоајето на ЦК „Марко Цепенков“, утре 26 јуни, од 20 часот, концерт ќе одржи Женскиот младински хор при МКЦ – Скопје. Пијано придружба Иван Трајковски, соло делници: Ана Михајлова, Елена Васова, Мила Николовска и Јулијана Деспотоска, под диригентската палка на Сашо Татарчевски. Ќе бидат изведени композиции од Johannes Brahms и Benjamin Britten.

Женскиот младински хор – МКЦ СКОПЈЕ од своето формирање во 1972 па сé до денес, е една од најпрепознатливите карактеристики на Младинскиот културен центар од Скопје. Изведувајќи огромен и разноврсен репертоар, овој ансамбл покажа дека и пејачи аматери можат да постигнат високо професионални резултати.