CSS Template

Велигденско обраќање на градоначалникот на Општина Прилеп Илија Јованоски (Видео)

262

Почитувани граѓани,

Христовото Воскресение – Велигден е празник над празниците. Празник на радоста и спокојот, ден кој ја празнува и слави победата на животот над смртта.

Периодот низ кој поминуваме, пандемијата на КОВИД-19, од нас бара да направиме се’ за да го заштитиме нашето здравје и здравјето и животите на нашите најблиски. Да докажеме дека воздржувањето и одговорноста можат да бидат најголемиот пријател на верата и на луѓето.

Искушенијата што нè снајдоа нека ни бидат за утврдување во верата и за духовно напредување. Затоа, за овој Велигден да останеме дома и од нашите домови да ги испратиме молитвите за здравје, среќа и бериќет на сите наши сограѓани.

Празнувањето на Христовото Воскресение да ни даде сила да се справиме со искушенијата пред кои сме исправени и следниот Велигден повторно да го славиме во храмовите ширум нашата татковина.

Да сте здрави и живи!

За многу години Велигден!


Vivafarm
Farma Dolneni