За сите играчи задолжителни ПЦР тестови пред секој фудбалски и ракометен натпревар

Со продолжување на рестриктивните мерки за справување со пандемијата на коронавирусот, до 27 април, новина во спортските натпреварувања, сега, е задолжителното тестирање на сите играчи, стручниот штаб и логистиката, пред секој натпревар во фудбалските и ракометните шампионати.

За да нема прекин во првенството, националните федерации, фудбалска и раометна прифатија, на свој трошок да ги покријат задолжителните ПЦР тестови за секоја екипа. Фудбалската федерација на Македонија ќе ги покрие трошоците за ПЦР тестови во Првата, Втората и Женската лига, додека Ракометната федерација на Македонија ќе ги покрие за суперлигашите, прволигашите и женските. Тестовите ќе мора да се направат утре и во петок.

Ова значи дека фудбал и ракомет ќе се игра викендов во Македонија и покрај дополнителните мерки, кои беа донесени на седницата од Владата.