Зголемен водостојот на реките

Поројните дождови предизвикаа излевање на реката Треска во Општина Пласница. Станува збор за заезерување на земјоделските површини во непосредна близина на течението на реката, но ако е земат во предвид најавите на метеоролозите дека врнежите ќе продолжат, можни се поплави од поголеми размери.
Водостоите на реките во земјава го надминаа просекот за март. Единствен исклучок е Црна Река на мерното место Новаци каде нивото е за една третина пониско од вообичаеното.
Според последните мерења од Управата за хидрометеоролошки работи (УХМР), водостоите на реките се на исто ниво или се намалуваат во однос на вчера.
Зголемени се и нивоата на природни езера. Тие имаат повисок водостој од вообичаениот, а единствено нивото на Преспанското Езеро е малку под просекот за овој месец.

Следуваат фотографии направени денеска на регионалниот пат од Македонски Брод кон селото Пласница во непосредна близина на реката Треска: