Делегација од Општина Прилеп и Советот предводена од градоначалникот Илија Јованоски од основното училиште „Блаже Конески“ , денеска положија свежо свеќе и се поклонија пред спомен плочата во домот на основоположникот на современиот македонски јазик Блаже Конески .
Целта на денешната посета на спомен домот на Блаже Конески во Небрегово, беше промоција на книгата „Погледи во минатото/ Избарни теми од македонскиот писмен јазик“ од проф. д-р Људмил Спасов. Промоцијата на овој научен труд во кој се собрани дела од великанот Конески е во рамките на одбележувањето на 5 –мај Денот на македонскиот јазик.
„Институтот за македонки јазик со особена чест, денеска доаѓа во посета на спомен куќата на великанот Блаже Конески, сето ова е во чест на 5 –мај, Денот на македонскиот јазик востановен оваа година и прав пат чествуван оваа година. Имаме чест што заедно со колегите од Филолошкиот факултет во Скопје, со градоначалникот на Општина Прилеп и Советот за македонки јазик при Владата имаме можност да му одаддеме почит на Блаже Конески и да присуствуваме на промоцијата на последното дело на професорот Људмил Спасов. Можеме од ова што го видовме да бидеме горди и цела македонска јавност да биде горда за тоа колку Прилеп се грижи за куќата на Блаже Конески. Институтот секоја година на сите собири има постојана тема за придонесот на Блаже Конески во лингвистиката. Темата Конески ни е перманентна, постојана и секогаш имаме гости надвор од нашата држава кои сакаат да се наврата на неговото дело. Да не беше Конески и неговиот влог прашање е за каков јазик ќе зборувавме денеска, всушност тој е стожерот на современата азбука, правописот на речникот на македонскиот јазик. Еден од главните што помогнаа да се формира Институтот за македонски јазик пред 66 години“ истакнапроф. д-р Елена Јованова Груевскадиректор на Институтот за македонски јазик.
Во книгата „Погледи во минатото/ Избарни теми од македонскиот писмен јазик“ станува збор за историјата на македонскиот писмен јазик и она што е многу важно станува збор за дел од предавањата кои Блаже Конески ги има држено пред своите студенти на Филозофскиот факултет во Скопје.
„Јас како наследник на неговите предмети, овде во неговата куќа на духот на Конески сакам да му покажам дека има книга од неговите предавања, дека го одржуваме неговиот предмет. Како претседател на Советот за македонски јазик се надевам дека не само што ќе го поддржиме споменот на Конески, туку и ќе го развиеме, ќе го афирмираме,бидејќи Конески е еден од столбовите вградени во македонската култура. Сакам да порачам дека нас ни останува да го чуваме и чествуваме македонскиот јазик, 5 –мај да го користиме како ден кога ќе оддадеме почит особено во основните и средните училишта и факултетите и да се потсетиме дека сме македонци и дека со македонскиот јазик не се служат само оние кои се македонци, туку и сите државјани на Република Северна Македонија и пошироко надвор однејзините градници“, истакна проф. д-р Људмил Спасов автор на книгата „Погледи во минатото/ Избарни теми од македонскиот писмен јазик“.
Промотор на делото „Погледи во минатото“ од проф. д-р Људмил Спасов беше професор Лидија Аризанкоска од Филолошкиот факултет во Скопје.
„Се работи за избрани поглавја од историјата на македонскиот писмен јазик, многу е важна оваа монографија. Како што кажа професорот Спасов составена е од неколку дела, добар дел авторски трудови но исто така на добар дел од трудовите автор е и самиот Блаже Конески“ , истакна професор Лидија Аризанкоска од Филолошкиот факултет во Скопје.
Градоначалникот на Општина Прилеп Илија Јованоски упати благодарноста до сите иституции кои се грижат за зачувување на спомен домот и делото на великанот Конески, .
„Ни преставува чест да бидеме во куќата на великанот Блаже Конески и да го одбележиме Денот на македонската азбука 5 –мај. Ова е прва година вака да се одбележи овој празник и се надевам дека во иднина одбележувањето на 5 –мај ќе биде посодржајно и тематски побогато“, рече градоначајникот на Општина Прилеп Илија Јованоски.
На промоцијата од страна на НУ Завод за заштита на спомениците на културата и Музеј Прилеп беа доделени пофалници на сите заслужни иституции и поединци кои со својата работа и придонес во одржувањето и зачувувањето на родната куќа на Блаже Конески како културен споменик.