Годинашен домаќин во с.Славеј во Општина Кривогаштани на Богојавление – Водици е Митко Иваноски од компанијата„Изофаст“.
Богојавленскиот водосвет – фрлањето на крстот – ќе се изврши на 19-ти јануари,во 12,00 часот во базенот на семејната куќа на домаќинот,каде ќе учестуваат 5/6 момчиња кои се пријавени да го фатат Светиот Крст, кој се верува дека на оној кој ќе го фати ќе му донесе, здравје, среќа и благодет во текот на годината,нему и на неговото семејство.
Оној кој ќе го фати Светиот Крст ќе биде награден од домаќинот. По чинот на Богојавленскиот водосвет- фрлањето на крстот – за сите гости и добронамерници обезбеден е ручек во трпезаријата на селската црква. Адет во овој крај е да се меси и лепче со паричка, па на кого ќе му „падне„ паричето ќе биде следиот домаќин на Водици.
Инаку, на Богојавление на полноќ се верува дека се отвора небото, се појавува Бог, а луѓето му се обраќаат за да им ги исполни нивните желби. Во тој миг водите престануваат да течат и стануват лековити.
Митко Иваноски домаќин за Водици во с.Славеј
