Македонските џудо ветерани испишаја историја во овој спорт. Од Прилеп стартуваше и првиот тртенинг на ентузијастите во џудото.Кандидатите за состав на репрезетнацијата во џудо за ветерани го одржаа првиот тренинг на отворено во како што велат тие , базата на овој спорт , градот Прилеп. Се појавија 11 членови во составот на оваа селекција каде Киро Здравески е селектор, Димче Џагадуроски е тренер , и двајцата се дел од прилепскиот џудо клуб Сеишин.
Со сите протоколи за заштита од Ковид 19 , се реализираше првиот тренинг на кој присуствуваа: Менде Илијоски , Благојче Митрески , Сашо Димовски , Тони Бурнески , Маке Спиркоски, Ѓорѓи Хубрев , Методија Ангелов,Златко Кочевски,Мартин Ристески заедно со стручниот штаб на репрезентацијата.
Селекторот на ветераните Здравески , започнувајќи од тука најави учества на турнири и првенства а едно од нив би требало да биде учеството на турнир во соседна Србија во месец септември како и учество на балканското првенство во Албанија.
Уште на првиот тренинг на оваа репрезентација во џудо, се забележуваше ентузијазмот на спортистите кои некогаш активно се бортеа на татамите , а сега повторно се во друштво на кимоното и џудо техниките. Радио Пела посакува среќен почеток на репрезентацијата на џудо ветерани.