Денеска на 28-ми октомври, четврток, на компнијата Комфи Ангел и беше доделена награда за Најдобра пракса на безбедност и здравје при работа за 2021 година, со што копмпанијата е една од трите највисоко рангирани компании за 2021 година во делот на безбедност и здравје при работа.
Доделеното признание само ги потврди заложбите и претставува уште поголем поттик и одговорност за Комфи Ангел да продолжи да работи на креирање на политики на безбедност, превенција на болестите и унапредување на континуираната грижа за здравјето и добробитта на вработени.
„Заложбата на Комфи Ангел за континуирано подобрување на здравјето и безбедноста на вработени е главен приоритет, што придонесува за остварување на компаниските цели. Компанијата има воспоставен систем за управување со здравјето и безбедноста при работа, што служи како ефикасен пристап при управувањето и континуираното отстранување на опасностите и минимизирање на ризиците.„- велат од менаџерскиот тим, менџаерот, Ирена Јакимовска
Изборот за доделување на Националната награда на компанија со најдобра пракса за безбедност и здравје при работа го организира националниот Совет за безбедност и здравје при работа, со поддршка од страна на Министерството за труд и социјална политика.