Утре, (01, јуни) се е подготвено, за убавата македонска песна, за стартот на новото издание на фолк-фестивалот „Прилеп – фест“. Во Прилеп веќе е најавено пристигнувањето на Наум Петрески, Зуица Лазова, Елена Велевска како дел од македонските фолк-пејачи кои утревечер во салата на Центарот за култура Марко Цепенков ќе настапат, на седмото издание на фолк-фестивалот „Прилеп – фест“. На фестивалот ќе учествуваат, бројни музички фолк – ѕвезди од нашата земја, но ќе има и гости од соседните земји, велат организаторите
„Се е подготвено за утревечер. Се бараат влезници повеќе, но капацитетите се тие кои се. Дел од учесниците веќе пристигнаа во градот, а публиката ќе има прилика да ужива во една преубава музичка вечер која ќе се памети долго.“ -велат тие
На сцената во домот на културата „Марко Цепенков“ ќе настапат дваесетина изведувачи, а учеството го потврдија: Наум Петрески, Зуица Лазова, Елена Велевска, Адријана Ацевска, Живе Мешуревски и Анастасиа Митровска, Лили Семкова (Бг), Владимир Поповски, Дрим Тим, Благоја Груевски, Алтернатор, Круна, Петар Нечовски, Дани Тик-Так, Даце Николовски, Фортуна, Барбика, Јордан Митев, Ирена Спасовска, Спасе Антевски и Марија Донева.