Утревечер, во 18 часот, на камената бина во центарот на Прилеп, по 16-ти пат, ќе се одржи поетската манифестација „Поетско Маркукуле“, на која ќе учествуваат над 100 -тина поети од земјава и странство. „ПОЕТСКО МАРКУКУЛЕ, во организација на Клубот на литературни творци Прилеп, веќе прераснува во препознатлив бренд во Македонија и во странство!
На манифестцијата ,оваа година ќе биде промовиран и Зборникот ПОЕТСКО МАРКУКУЛЕ 2023,
во кој се впишани имињата на 220 автор од 15 земјни и Македонија. Во него, покрај старите, постојани ученици, има и нови поетски пера, кои го збогатуваат стиховниот мозаик и сепренесени во кингата,како ретко поетско богатство. Во зборникот ПОЕТСКО МАРКУКУЛЕ 2023, се сместени стихови од многу еминентни автори, но и од нови автори што доаѓаат на голема врата на поетското сцена, „како и стихови од автори што пишуваат за своја душа„, велат организаторите.
Андриана Ристеска, претседателката на Клубот на литературни творци – Прилеп , истакна дека ова 16 -то издание на манифестацијата „Поетско Маркукуле“ ќе преставува вистинска поетска ризница во која домашни и странски поети ќе се преставата со своите песни, а манифестација ќе ги собере и младите, надежни, познати или помалку познати поети и поетеси, но, пред се ќе преставува одлична дружба на литератите и поттик да продложат да творат.
Годинава, манифестацијата ќе ја збогатат и ученици од основните училишта , Климент Охридски и Кире Гаврилоски. Петтоодделенците Марија Колевска, Марија Крстеска, Петар Јованоски и Марко Макалоски со свои лични творби ќе се претстават на литературното читање.
Манифестацијата за прв пат е одржана во 2007 година и секоја следна година станува побројна со домашни и поети од другите држави, а Прилеп доби уште едно вредно благородно камче во својот духовен културен мозаик.