Активен е пожарот во прилепско од Топлица до Крстец- Крушево свикува итна седница за заштита од пожари

Продолжуваат напорите за гаснење на пожарите, кои се уште се активни на повеќе места во државата.  Пожарот во атарот на селата Топлица, Ракле и Никодин е сеуште активен во делот од Топлица према село Крстец во тешко пристапен терен. Во текот на вчерашниот ден интервенирале 6 работници од ЈП Национални Шуми – „Црн Бор“ – Прилеп. Во текот на денот немало поддршка за гасење со воздухоплови. ТППЕ – Прилеп не испратиле екипа на овој пожар во текот на денот.

Советот на општина Крушево утре, четврток, ќе одржи вонредна седница со една точка на дневниот ред: насока на превенција односно заштита од пожари и евентуално справување со пожарите.Седницата се свикува на иницијатива на советничката група на ВМРО ДПМНЕ.