Четири фудбалерки од ЖФК Деспина во сениорската репрезентација на Македонија

За престојниот квалификациски натпревар на Македонската женска фудбалска репрезентација против репрезентацијата на Франција, селекторот на женската фудбалска репрзенација на Македонија Кирил Изов, повика четири фудбалерки, членки на ЖФК Деспина .

Во составот на женската фудбалска репрезентација се најдоа : Кате Милеска, Даниела Велеска, Јана Чубриноска и Верица Колеска.

Квалификациониот натпревар за ЕП ќе се одигра на 22-ри септември на Националната арена „Тодор Проески“ во Скопје. За женска фудбалска репрезентација на Македонија ова ќе биде шестиот натпревар од тековните квалификации. Селекцијата оствари победа против Казахстан, а запиша четири порази во пресметките против Србија и Австрија.  Франција во досегашните два меча има постигнато две победи.