(фото)Новогодишен концерт на прилепското основно музичко училиште

Вечерва по 22-ри пат основното музичко училиште „Ордан Михајлоски – Оцка“ од Прилеп го одржа својот традиционален новогодишен концерт, во театарот „Војдан Чернодрински“, на кој учениците се претставија со повеќе дела.
Ова потврдува дека  заинтересираноста на младите за посета на музичкото училиште е голема. Моментално училиштето го посетуваат 363 ученици.
„За поголема промоција на училиштето во иднина, планираме што е можно повеќе семинари, да се организираат ревијални вечери, разни  концерти и да се има поголема соработка со другите градови. Она што ни недостасува во овој момент е помала сала за интерни часови и помали концерти. Години наназад го доставуваме тоа како барање, но не се реализираше. Училиштето сега е целосно реконструирано, но на

Прилеп му недостасува една концертна сала и таа треба да се изгради во најскоро време“, порача директорката ,на ООУМ „Ордан Михајлоски – Оцка“,Тутеска Димеска
Учениците вечерва (недела 24-ти декември) музицираа на клавир, виолина, флејта, труба, кларинет, хармоника, народни инструменти и соло пеење.