Втор ден гори кај прилепско с. Смолани

Шумски пожар втор ден е активен околу прилепското село Смолани, каде гори нискостеблеста шума.

Според информациите од командирот на прилепската противпожарна единица, Виктор Стојчески, во еден дел, во пристапниот појас, пожарот е под контрола, но сѐ уште е тешко да се гасне во непристапниот предел.

На терен се наоѓале 10 пожарникари со исто толку вработени од шумското претпријатие .

Во реонот на Смолани и Дрен летово, токму во непристапниот дел, беше големиот шумски пожар за што во август беше неопходна воздушна поддршка.