ШОК ЗА ПОБЕДА ВО 90 МИНУТА

 Екипата на Победа загуби од Слога во Виница со 2:1, на дербито од 4. коло на Втората фудбалска лига – Исток. Домашните поведоа со голот на Христијан Митревски во 3. минута, а Победа израмни преку Бојан Спиркоски во 21.

Во второто полувреме, кога се чинеше дека прилепскиот тим е поблиску до трите бода, а ремито го има „в џеб“, виничаните изведоа брза контра во 90. минута, при што беше изнуден прекршок. Слободниот удар послужи за центаршут во шеснаесетникот, каде во мешаницата топката ја удри младинецот Марио Дебрешлиоски и таа заврши во мрежата од прилепскиот гол за конечни 2:1

Вториот претставник од ОФС Прилеп, Братство од Житоше, на игралиштето кај Могилата во Прилеп со 0:4 загуби од Кит-Го. Останати резултати: Кожуф – Беласица 1:2, Саса – Детонит 1:0, Осогово – Локомотива 2:2. Табела: Слога 12, Беласица и Саса по 10, Победа 7, Кит-Го 6, Кожуф и Осогово по 4, Локомотива, Детонит и Братство по 1. ИДНО, 5. коло: Победа – Осогово, Локомотива – Братство, Детонит – Слога, Беласица – Саса, Кит-Го – Кожуф.