Градоначалникот ги задолжи компаниите за итна дезинфекција на автобусите за превоз на вработените

Известување за ИТНО постапување согласно мерките за претпазливост и заштита на граѓаните на територијата на општина Прилеп од COVID-19 (корона вирус)

Почнувајќи од денеска, се задолжуваат сите стопански субјекти на територијата на општина Прилеп кои имаат обезбеден сопствен превоз за своите вработени, да се врши дезинфекција на превозните средства, повеќекратно во текот на денот и веднаш да се изврши редуцирање на редоследот на седење на вработените во автобусите, минибусите и останатите превозни средства со кои располагаат стопанските субјекти.

Во продолжение, се’ уште важат и ќе продолжат да важат мерките на претпазливост дадени од Министерството за здравство.

Оваа мерка стапува на сила веднаш, со цел да се заштити населението на територија на општина Прилеп од COVID-19 (корона вирус), се вели во соопштението на градоначалник на општина Прилеп, Илија Јованоски.