Храна за сите – Банка за храна донираше пакети за социјално ранливи семејства во Новаци

Здружението Храна за сите – Банка за храна донираше 40  пакети ќе  бидат дистрибуирани на  семејства од Општина Новаци. Соработката на Здружението со Општината ќе продолжи беше речено на денешната средба меѓу Душко Христов, директор на  Храна за сите – Банка за храна и  градоначалникот Стевче Стевановски.

-Разговаравме за активностите на здружението како и за нашата идна соработка, заедничките активности и проекти за доброто на  граѓаните кои се окарактеризирани како  социјални случаи со посебен осврт околу можноста за складирање на храна и лоцирање на најсиромашните семејства на кои оваа помош  им е најпотребна,“ посочи Стевановски.

Средбата заврши со потпишување на меморандум за соработка помеѓу Општина Новаци и Здружението Храна за сите – Банка за храна, со кој документ се определува начинот и  реализацијата  на активностите околу обезбедувањето на социјална помош и поддршка, храна, хигиенски и материјални средства на лицата со социјален ризик на територијата на Општина Новаци.