Илинден во Крушево со богата културно уметничка програма

На отворањето на манифестацијата „Десет дена Крушевска Република“ на 1-ви август ќе настапат два оркестри, четворица македонски артисти, заедно со импровизиран напад на градот и читање на Крушевскиот манифест.

Настанот ќе биде отворен на споменикот Илинден во 20 часот со настап на Македонска филхармонија и Македонска опера и балет. Околу 22 часот настанот ќе продолжи на „Гумење“ со настап на Тамара Тодевска, Наде Талеска, Виктор Апостоловски и Викторија Лоба.

„Ова е досега најбогата програма за Илинден и манифестација „Десет дена Крушевска Република“, бидејќи тоа се плејада од македонски артисти и уметници, а во текот на манифестацијата планирана е  програма за деца, изложба на Зоран Кардула, настап на Дац и Александар, проекција на македонски филмови и друго.“, велат оорганизаторите на манифестацијата Научно кутурни средби „Десет дена Крушевска Република“.

Еден од настаните кој привлекува големо внимание е изложбата Star Wars & Makedonium на Зоран Кардула која ќе се одржи на 4-ти август во споменик Илинден. Изложбата ќе биде „зачинета“ со ди џеј сет на Томи Бојаџи.