Бабунски : Своја игра , висок пресинг , доминација – за да сфатат противниците дека Победа ќе се надигрува со секого (ВИДЕО + ФОТО )

Црвено белата фурија полека но сигурно се подготвува за настапот во најквалитетното фудбалско друштво кај нас , каде по подолго време на градски во Прилеп ќе бидат “нагостени” најдобрите фудбалски колективи во земјава. Предводени од Бобан Бабунски , победашите ќе се обидат да замрсат многу сметки но во исто време  и да не “залутаат” низ македонските стадиони па на крајот повторно да бараат прволигашки спас.Бабунски гостуваше во нашата отворена програма РАДИО ШТО СЕ ГЛЕДА  и што е најважно многу реално , чисто и прецизно ни ја пренесе моменталната ситуација во клубот.Тој истакна дека сите играчи за време на подготвителниот период ќе добијат шанса да се докажат , а ќе има минутажа во неговата тактичка замисла за сите кои навистина ќе покажат дека можат да се носат со товарот на секој натпревар.

Среќен сум што сум тука и верувам дека заедно со моите играчи ќе го реализираме овој нов проек и предизвик , заеднички бидејќи од моето доаѓање во клубот гледа голем потенцијал кај овие играчи – истакна Бабунски , кој се надева дека Победа ќе оди во добар правец и дека ќе се врати на старите патеки.

Како што е познато според распоредот Победа на стартот од првенството ќе гостува во Струга а претходно ќе одигра пријателски натпревар со екипа од Албанија и дуел со Академија Пандев.Разговорот со стратегот на прилепчани во целост можете да го погледнете во видеото подолу.