Изложбата „Ликовни записи, акрил, мотиви, од река „Црна“ – „Вардар“

Во среда, 27 декември 2017г. во 12.00 часот во галеријата„Борко Лазески“ во ЦК„Марко Цепенков“ ќе биде отворена изложбата „Ликовни записи, акрил, мотиви, од река „Црна“ – „Вардар“ и “ Стоби“ од Драган Верговски – Алпи. Уметникот ќе се претставува со дела кои се создадени во период од мај до октомври 2017 година.

-Изложбата е посветена на мојот професор Борко Лазески, каде што ги научив ликовните техники.  Делата се работени на локалитетот „Стоби“ кој што се наоѓа поmеѓу двете најголеми реки во Македонија, Вардар и Црна река. Работени се во слободното време, додека главна преокупација ми беше реставрација и конзервација во крстилницата, на подниот мозаик во античкиот локалитет – вели авторот.

            Податоци за авторот

Драган Верговски Алпи  завршил ФЛУ Скопје, во класата на проф. Димитар Кондовски. Пензионер советник конзерватор. Реализирал повеќе самостојни и групни изложби во земјата и во странство. Член на ДЛУМ, а долги години работел на конезрвации на фрескоживописи по македонските цркви.