Изминатото деноноќие две лица новозаразени со Ковид 19 во општина Прилеп

Денеска, понеделник 27 јули во општина Прилеп, информираат од Центарот за јавно здравје Прилеп, дека има два нови случаи на коронавирус, а едно лице оздравело од заразната болест.

Бројот на активни случаи изнесува 53, од кои 40 се наоѓаат на домашно, а 13 на болничко лекување. Во домашна изолација и самоизолација се наоѓаат 72 лица.

Во последните 24 часа се направени 1.025 тестирања, а регистрирани се 128 нови случаи со Ковид-19 во Македонија. Најмногу се регистрирани во Скопје-52, Штип-29, Кавадарци-10, Гостивар-13, Куманово-6,  Тетово-6, Битола-2, Кочани-1, Пробиштип-1, Македонски Брод-3, Виница-2, Свети Николе-1.

Починати се шест пациенти, четири од Скопје (82, 48, 82 и 60 години), еден пациент од Кичево (52 г.) и еден од Струга (75 г.). Сите пациенти се починати во болнички услови.

Институтот за јавно здравје регистрира 137 оздравени пациенти од: Скопје-108, Куманово-2, Прилеп-1, Тетово-11, Велес-1, Битола-3, Гостивар-2, Кочани-2, Кичево-2, Ресен-5, соопшти Министерството за здравство.